​Amit aaj tu logo ko rang kaise laga paayega… (Poem)

0

​Amit aaj tu logo ko rang kaise laga paayega.
Jo rang tu lekar aayega vahee lekar laut jaayega.

1. Apane sachche hiteshinyo ko rang tu kaise lagayega.
Lambe arase se jo na mila ab unase najar kaise milayega.
Tu unake chehare kee vajah apana chehara gulaabee paayega.
Amit aaj tu logo ko rang kaise laga paayega.
Jo rang tu lekar aayega vahee lekar laut jaayega.

2. Kapat man me rakhane vaalon ko Amit tera rang kaise suhayega.
Rang bhi apana rang bhulega rang badanaam ho jaayega.
Har rang kaala ho jaayega vo apana svaroop badala paayega.
Amit aaj tu logo ko rang kaise laga paayega.
Jo rang tu lekar aayega vahee lekar laut jaayega.

3.Jinakee jindagee me keval gam unhe kaisa rang layega.
Jo bhee rang lagega unpe aansoo me vo dhool jaayega.
Saare rang hokar bhee unako ek hee rang najar aayega.
Amit aaj tu logo ko rang kaise laga paayega.
Jo rang tu lekar aayega vahee lekar laut jaayega.

4.Rang birangi duniya ka khud apana hee rang paayega.
Pradooshan se badale jahaan ko kis rang se tu sajayega.
Aasamaan bhee hai ab kaala kis kisako tu rang se rang paayega.
Amit aaj tu logo ko rang kaise laga paayega.
Jo rang tu lekar aayega vahee lekar laut jaayega.

5. Neta ko to pahale se hee kaee rangon me tu paayega.
Jo rang tu unhe lagayega vo bhrasht hokar badal jaayega.
Rang bhee unakee chaal me phans ke unake rang me hee dhal jaayega.
Amit aaj tu logo ko rang kaise laga paayega.
Jo rang tu lekar aayega vahee lekar laut jaayega.

Poet – Amit Chandrawanshi

Birthday Wishes Poem in Hindi

0
Birthday wishes with poem by Amit Chandrawanshi

Birthday wishes with poem by Amit Chandrawanshi

🎁˙˙˙noʎ oʇ ʎɐpɥʇɹıq ʎddɐɥ🎂

Janmadivas shubh avasar par.
Lo khushiyaan upahaar mein har.

Aap jiyo saal hajaar.
Naam ho aapaka apaar.

Sabake aasheesh pao sar.
Aapase dukhee na hoye koee nar.

Khushiyon se bhare ghar sansaar.
Na ho jindagee mein aapakee haar.

Bano aap itane bade fankar.
Kaamayaabee kadam chume har baar.

Ban mahaan chhod aisa asar.
Aap ho jao sada amar.

Dhakad Amit‘ kee yahee pukaar.
Prabhu krapa rahe aap par barkaraar.

Poet – Amit Chandrawanshi

Aajkal ke bachche…(Poem)

0

Aajakal ke bachchon ko nahi chaahie khilaune.
Ho gae hain vo aajakal bahut jyaada hee sayane.

Vo baat huee puraanee jo bachchon kee jid thee anoothee.
Ab to aisee aisee jide hai jo na ho sake jhoothee.

Pahale kahata tha bachcha chaand mujhe la do.
Ab kahata hai mujhe ‘iPhone 6‘ dila do.

Kitaabon mein chitr dekh jo vo khush hote the.
Bhoolo vo ‘photo‘ ab vo ‘selfie‘ ko rote hain.

Vo baat huee puraanee jo naanee sunanye kahaanee.
Ab to hai ‘colorful video‘ chalaanee.

Pahale jo kahata tha mujhe loree suna do.
Ab kahe DJ vaale baaboo vaala gaana chala do.

Ab ho gaya puraana gudde-gudiyon ka khel.
Ab to hai Facebook aur WhatsApp ka mel.

Kahaan hai ab vo raaja aur kahaan hai ab vo raanee.
Ab hai bas bachchon kee duniya TV kee deevaanee.

Pahale to hotee thee dhool se lathapath poorn kaaya.
Aaj kal ke bachchon par ‘diyo body‘ pe chhaaya.

Pahale ke bachchon ko ‘fool‘ bana lete the sahaj.
Par ab vo ‘Google‘ kar lete hain minaton mein mahaj.

Amit‘ aajakal ke bachchon ko nahin chaahie khilaune.
ab vo ho gae hain ‘technology‘ mein janme sayane.

Poet – Amit Chandrawanshi

Also read in Hindi.

Also visit your Facebook Page.

Jahar peekar bhee kaise amar hua nahi ja sakata…(Muktak)

0

Kaun kahata hai ki murde mein jaan ko laaya nahin ja sakata.
Aur asambhav ko bhee kabhee sambhav banaaya nahin ja sakata.
Un Bhole Baba se poochho ki kaaj kaise banaaya jaata hai;
Ki jahar peekar bhee kaise amar hua nahi ja sakata.

Poet – Amit Chandrawanshi

Also read in Hindi.

Also visit your Facebook Page.

Deep Deep Deepaavalee (Poem) 

0

​Shree Ram ji jis din laute the Ayodhya nagaree.
Janata khushee se naach uthee thee us pal sabaree.

Nagar nagar graam graam har ghar ghar deep jala.
Khushee daur nabh thal jal paataal dhara svarg chala.

Utha har ghar ghar chamak buraee saaree mit gaee.
Nav rang ab chhane laga dhara mangalamay bhaee.

Dev nar muni jeev jad sab jhoom khoobahi uthai.
Baal yuva vrddh panchhee sab prabhu gunagaan gavanhi.

Taru phool phal tana shaakha jad prabhu naam japahni.
Madhur swar har kan kan se pal pal footan lagee.

Sheetal sugandhit mand pavan sukh ras it ut bahavanhi.
Nabh ghan vasan pahan de shitalata chhaaya ati banavanhi.

Har ghar ghar galee galee phaile deep deep deepaavalee.
Ronakata chahalta naveenata umang hava jagah jagah chalee.

Aanandamay mangalamay rasmay paavan vaataavaran dishi dishi samahee.
Divas kaartik maas amaavasya amit khushahaalee prakaash det gavaahee.

Poet – Amit Chandrawanshi

Also read in Hindi.

Also visit my Facebook Page.

Mera Bhaarat aaj tak…

0

​Mera Bhaarat aaj tak unhen nam aankhon se dhoondhata hai.
Jinaka naara aaj bhee dilon dimaag mein gonjata hai.
Vo ‘ Dillee chalo ‘ bolakar ‘ Hind Fauj ‘ bhej gae.
Par aap kahaan rah gae ye aaj poora Bhaarat poochhata hai.

Poet –Amit Chandrawanshi

Why I commit to suicide(Poem)

0

​Jab maut aa hee gaee to kyon na do do haath ho jaayen.
Kya bharosa maut ghutane teke aur vijayee maala paayen.

Mushkilon ka kya aaj ek thee to kal doosaree aayngee.
Mai itana to kaayar nahin jo inase darun aur ye mujhe rok payngee.

Marke bhee mai kya kar loonga jeevit raha to hai kuchh mumakin.
Jo kar lee maine khudkhushi to mere chaahane vaalon ko hogee kitanee mushkil.

Jin maata pita ne bada kiya kuchh mera bhee to farz banata hai.
ki karj chukaye bina alvida to nahi hua ja sakata hai.

Kitno kee ummeeden tod chaloonga apanee ek ummeed todakar.
Jindagee itanee sastee to nahi jo chala jaoon use yoon chhodakar.

Aisa to hai hee nahin ki apanee maut se sabakuchh sulajha hee jaoon.
Maut ko gala lagaane se to achchha kuchh karake dikhalano.

‘ Amit ‘ aasha niraasha se bharee hai jindagee mauke kaee isame milenge.
Chaahoge to is sukh dukh kee bagiya me phool kaee sukh ke khilenge.

Poet – Amit Chandrawanshi